Ҷашнвора рӯзи ҷумъа, 13 май, соати 13:00 оғоз мешавад.

Макони баргузорӣ: Hyatt Regency Душанбе, ошёнаи якум

Либос: Business casual (зеро ин ҷашнвораи нетворкинги касбӣ мебошад)

Назофат ва низом: тозагӣ ва тартиби ҷашнвораро ҳар иштирокчӣ мустақилона таъмин мекунад, бинобар ин аз шумо даъват мекунем, мутаваҷҷеҳи вазъият бошед.

Тавсия мешавад, ки барои иштирок дар ҷашнвора пешакӣ сабти ном шавед.

Аммо ҳатто агар шумо фурсати сабти номро аз даст додаед, боке надорад, мо шуморо хуш омадед мегӯем! Дар макони баргузорӣ мизи бақайдгирӣ мавҷуд аст ва метавонед он ҷо сабти ном кунед.

Муҳим: дар хотир дошта бошед, ки танҳо то соати 16:00-и рӯзи сеюми ҷашнвора метавонед сабти ном шавед.

Ҳатмӣ: корти махсусро дастрас намуда, рӯи он номи худро бинависед (ва онро давоми се рӯзи ҷашнвора гум накунед).

Дар пушти корт барномаи кӯтоҳ ва рамзи QR барои дарёфти барномаи муфассал дарҷ шудааст. Кортро гирифта, номатонро навиштед? Хеле хуб! Акнун вақти шиносоӣ бо ҷадвали роҳнамо расидааст.

Дар толори меҳмонхона нақшаҳои роҳнамо овезон мешаванд, ки он ҷо тарҳи ҷойгиршавии толорҳо мавҷуд аст. Ёфтани онҳо хеле осон аст: толорҳо бо номи шаҳрҳоямон навишта шудаанд:
● Душанбе - толори асосист, ки он ҷо расми ифтитоҳ, пӯшидашавӣ ва инчунин баъзе ҷаласаҳо баргузор мешавад

Дар баробари Душанбе, толорҳо бо номи шаҳрҳои дигар ҳам фаъол хоҳанд буд:
● Хуҷанд
● Бохтар
● Хоруғ

Бо назардошти он ки ба кадом ришта бештар таваҷҷуҳ доред, пешакӣ барои худ нақша тартиб бидиҳед, ки кадом ҷаласа ё кадоме аз баромадкунандаҳоро шунидан ё ба онҳо савол додан мехоҳед. Барои ин пешакӣ омӯхтани барномаи ҷашнвора мувофиқи мақсад аст (дар бораи барнома поинтар маълумоти муфассал пешниҳод мешавад).

Ба ёд дошта бошед, ки ҷашнвораи имсола ба таҳкими ҷамъияти Go Viral нигаронида шудааст, то ҳамаи иштирокчиён ва меҳмонони мо тавонанд бо ҳамдигар шинос ва дӯст шаванд.

Ҳамин тавр, вақте худро сабти ном карда, нақшаи ҷойгиршавии толорҳоро аз худ кардед, бемалол барои пур кардани “девори шабакавӣ” ё “нетворкинг-волл” иқдом кунед.

Девори шабакавӣ тахтаест, ки он ҷо кортҳои касбу кор (корти тиҷоратӣ) ва маълумоти мухтасареро дар бораи худатон мегузоред. Ин тахта ба 4 қисм ҷудо шудааст:

1) Go Work (агар дар ҷустуҷӯи кор ё ҷойе барои касби таҷриба ҳастед, корти касбу кори худро гузоред)
2) Go Mentor (агар дар ҷустуҷӯи мураббӣ ҳастед, корти касбу кори худро гузоред)
3) Go Сooperate (агар имконият/кор  пешниҳод мекунед, корти касбу кори худро гузоред)
4) Go Team (агар идеяи ҷолибе доред! Дар ҷустуҷӯи тим/одамҳо ҳастед, корти касбу кори худро гузоред)

Чизеро ки ба шумо бештар мувофиқ аст, интихоб карда, ҳатман, тавре ки мо мегӯем, “изи худ”-ро гузоред. Инчунин шуморо ташвиқ мекунем, ки фаъолу ташаббускор бошед, дар тамоми давраи баргузории ҷашнвора кортҳои касбу кори иштирокчиёнро бигиред ва аз худатонро ба онҳо бидиҳед (агар дар ҷашнвора ин корро накунед, пас боз дар куҷо чунин имконият фароҳам меояд?)

Агар корти касбу коратонро нашр накардаед, пас метавонед онро онлайн бисозед ва ба дигарон тақсим кунед. Масалан, дар пайванди зер сохтани чунин кортҳо имконпазиранд. 

Ёдовар мешавем, ки шумо инчунин шакли мухтасари барномаро дар пушти корти муаррифӣ ё лавҳаҳои роҳнамо, ки дар толори меҳмонхона овезонанд, пайдо карда метавонед.

Дар доираи барнома чорабиниҳои зерин ба нақша гирифта шудааст:

• Мубоҳисаҳо гуруҳӣ. Шумо метавонед ба муҳокимаронии сухангӯҳо гӯш дода, ба онҳо савол бидиҳед ва шояд роҳи ҳалли ин ё он мушкилоти мушаххасро пайдо кунед ё барои кадом як дастоварди нав илҳом бигиред.
• Муаррифӣ ва тренингҳо. Маърӯзачиён ва тренерон таҷрибаи шахсии худ ва тавсияҳои арзишмандро бо шумо қисмат мекунанд.
• “Мастер-класс” ва “воркшопҳо”, ки барои тақвияти малакаҳои шумо кумак мерасонанд. Масалан, машғул шудан ба рассомӣ (рӯзи аввал) ё санҷидани кадом як маҳсулот дар ҷаласаи QA (рӯзи дуюм). Аммо дар хотир дошта бошед, ки ҷойҳо барои “мастер-класс” ва “воркшопҳо” маҳдуданд, иштирокчиён аз рӯи усули “first come first served” то 30 нафари аввал ҷалб карда мешаванд.
• Ҷаласаҳои берун аз толор: намоишномаи театрӣ (рӯзи дуюм) ва сайри меъморӣ (рӯзи сеюм) ду ҷаласае ҳастанд, ки берун аз меҳмонхона баргузор мешаванд. Дар ин ҷаласаҳо низ ҷойҳо маҳдуд мебошанд.
• Намоиши филми Аниса Собирӣ “Ритмҳои замони аздастрафта”

Меҳмони вижаи ҷашнвора тоҷири амрикоӣ Брэндон Эндрюс мебошад. Рӯзи аввал бо маърӯзаи асосӣ баромад карда, рӯзи дуюм “мастер-класс” баргузор мекунад, ки дар ҷараёни он метавонед  ҳолатҳои воқеии тиҷорати худро таҳлилу баррасӣ кунед.

Андешаҳои ҷолиби баромадкунандаҳоро дар қайдҳоятон нависед, дар танаффуси байни ҷаласаҳо ба назди маърӯзакунандаҳо равед, ба онҳо саволҳо бидиҳед ва аз ҳама беҳтараш ҳама чизро дар шабакаҳои иҷтимоии худ нашр кунед, то ягон чизи хубро аз даст надиҳед.

Дар ҷашнвора минтақаи аксҳои беназири моро пайдо хоҳед кард! Ба қадри имкон барои хотира аксу видео бигиред. Халлоқияти худро ба намоиш бигзоред!
Бо истифода аз қайдҳоятон нуқтаҳои ҷолибро дар саҳфаҳои худ нашр кунед, @goviraltj-ро қайд намуда, ҳаштаги #goviral2022-ро дарҷ кунед.

Давоми се рӯз мо се озмуни гуногун баргузор мекунем. Фаъолона иштирок намуда, ғолиб шавед:

• Ҷойи аввал - соати ҳушманд + дастовез
• Ҷойи дуюм - дастгоҳи нерудиҳанда барои телефони ҳушманд ​​+ дастовез
• Ҷойи сеюм - сепоя + дастовез

Инҷо мехоҳем, ки кори моро арзёбӣ кунед. Ба ҷуз шумо боз кӣ метавонад ба мо бигӯяд, ки ҷашнвора чӣ тавр гузашт?

Ҳар рӯз, пас аз ҳар ҷаласа, мо ба фикру мулоҳизаҳои шумо ниёз дорем. Ин ба мо имкон медиҳад, ки фаъолият, барнома ва иқдомҳои ояндаи худро беҳтар кунем.

Ба кори сухангӯҳо, тренерҳо, созмондиҳандаҳо, барномаи ҷашнвора ва худи ҷашнвора дар кулл тавассути пайванд баҳо гузоред.