Фестиваль ушул жума күнү, 10-июнда саат 13:00дө башталат

Жолугушчу жер: И.Раззаков атындагы КМТУ  

Кийим: Business casual (себеби бул профессионалдык нетворкингдин фестивалы)

Тазалык жана тартип: фестивалдын тазалыгын жана тартибин ар бир катышуучу камсыздайт, ошондуктан сизден тыкандыкты суранабыз

Тамак: Фестивалда акы алынуучу фуд-корт жайгашат, ал жактан ар кандай жеңил даамдарды жана суусундуктарды алсаңыз болот

Кошумча: өз ден соолугуңузга кам көрүңүз, жука төшөнчө ала келиңиз - музыкалык сессиялар кечкисин сыртта өтөт, балким, аба ырайы салкын болот

Маанилүү: Биз экологияга кам көрөбүз, фестивалда кагаз менен пластикти колдонууну кыскарттык (мисалы, программа онлайн-форматта гана болот). Ошол үчүн бөтөлкө, кружкаңызды ала келиңиз. Бардык залдарда суусу бар кулерлер жайгаштырылат, бирок бир жолу колдонулуучу стакандарды бере албайбыз. 

Фестивалга алдын ала катталганыңыз оң.

Бирок каттоодон өтүүгө жетишпей калгандарга да эшигибиз ачык! Сыртта катталуу үчүн столдор болот, жеринде каттоодон өтө аласыз. 

Милдеттүү түрдө: бейджик алып, атыңызды жазыңыз (аны эки күн бою жоготпоңуз).

Бейдждин арткы бетинен кыскача программаны жана толук программанын QR кодун таба аласыз. Бейжд алып, атыңызды жаздыңызбы? Эң сонун! Эми жол көрсөткүчтөр менен таанышууга убакыт келди

Холлдо жол көрсөткүчтөр илинген. Аларга карап, керектүү залды таба аласыз. Төрт зал бар: 

1-зал  - башкы зал
2-зал  - чоң зал 
3-4-залдар - чакан залдар

Эки күн бою сыртта да иш чаралар өтөт, ал жакка да катыша аласыз! 

Кызыгууңузга карап кайсы сессияга барарыңызды же кайсы спикерди угуп, суроо бергиңиз келип жатканын пландап алыңыз. Бул үчүн программаны алдын ала изилдеп алган оң (программа тууралуу алдыда кенен сөз кылабыз). 
Катышуучулар жана коноктор бири-бири менен таанышып, достошуп алыш үчүн быйылкы фестиваль биримдиктерди, жамааттарды бекемдөөгө багытталганы эсиңизде болсун. Катталып, эмне кайда экенин тактап алгандан кийин, нетворкинг-воллду толтурууга тайманбай кадам таштай бериңиз.  

Нетворкинг волл - бул өзүңүз тууралуу маалыматтарды, визиткаңызды калтыра турган тактайча. Ал төрткө бөлүнгөн: 

1. Go Work (жумуш же стажировка үчүн орун издеп жатсаңыз, визиткаңызды калтырыңыз)
2. Go Mentor (насаатчы издеп жатсаңыз, визиткаңызды калтырыңыз) 
3. Go Сooperate  (мүмкүнчүлүк/жумуш сунуштасаңыз, визиткаңызды калтырыңыз)
4. Go Team  (идеяңыз барбы? Команда/адамдарды издеп жатасызбы, анда бул жакка)

Өзүңүзгө туура келгенин тандап, бизче айтканда “изиңизди” калтырыңыз. Ошондой эле сизди активдүү болуп, фестивалдын башынан аягына чейин визиткалар менен алмашууга чакырабыз (башка кайсы жакта ушундай мүмкүнчүлүк болмок эле?).

Программа онлайн түрдө дайыма жеткиликтүү. 

Эске сала кетели, программанын кыскача схемасын бейдждин аркы бетинен таба аласыз. 

Программанын алкагында төмөндөгү иш чаралар пландалган: 

• Панелдик талкуулар, бул жактан панелчилерди угуп, аларга суроо бере аласыз, балким, тигил же бул маселеңиздин чечүү жолун таап же жаңы кадамдарга эргүү аласыз. 

• Мастер-класстар жана воркшоптор, мында сиз өз көндүмдөрүңүздү курчута аласыз. Мастер-класс жана воркшопторго орундар чектелүү экенин унутпаңыз, катышуучулар “first come first served” принциби менен алгачкы 40 кишиге чейин кабыл алынат. 

• Саат 13.00дөн 18.00гө чейин университеттин короосунда көчө иш чаралары өтөт, бул - убактыңызды көңүлдүү өткөрүүгө сонун мүмкүнчүлүк! 

Фестивалдын атайын коногу - америкалык ишкер Брэндон Эндрюс. Ал экинчи күнү стартапты потенциалдуу инвестордун алдында ийгиликтүү коргоонун сырлары боюнча масстер-класс өткөрөт. 

Спикерлердин өзөктүү ойлорун жазып алаңыз, сессиялардын арасында аларга барып суроо узатыңыз. Эң жакшысы - инсайттарды жоготуп албаш үчүн социалдык тармактарга жарыялаңыз. 

Фестивалда биздин кайталангыс фото аянтчабызды таба аласыз! Эстеликке калчу сүрөт-видеолорду болушунча көп тартыңыз - креативге чек жок! 

Тарыхчаларды чыгарыңыз, постторду жарыялаңыз, @goviral.ca белгилеп,  #GoViralFestival2022 #SearchInventSolve #GoViralBishkek хэштегдерин сөзсүз кошуңуз.

Сынакка активдүү катышып, белектерди утуп алыңыз: 

• 1-орун - акылдуу саат + мерч
• 2-орун - смартфон үчүн штатив + мерч

Мында бизге баа бере кетишиңизди суранабыз. Фестиваль кандай өткөнүн сизден башка ким айтып бере алмак эле? 

Күн сайын, ар бир сессиядан кийин бизге пикириңиз, комментарийлериңиз керек. Бул биздин жумушубузду, долбоорду жана кийинки иш чараларды жакшыртууга жардам берет.